छत्रपती संभाजीनगर :
Cocroach Janata Party कॉक्रोच जनता पार्टीच्या इन्स्टाग्राम पोस्ट हटवल्या जात असल्याचा आरोप या पक्षाचे संस्थापक अभिजीत दिपके यांनी केला आहे. सीजेपीचे प्रवक्ते सौरव दास यांनीही पोस्ट हटवल्याचा दावा केला आहे. केवळ सरकारला प्रश्न विचारला, टीका केली म्हणून या पोस्ट हटविण्यात आल्याचा आरोप दिपके आणि दास यांनी केला. सरकारला प्रश्न विचारणे हे इन्स्टाग्रमाच्या नियमांचे उल्लंघन आहे का, असा सवाल दिपके यांनी विचारला आहे.
सीजेपीच्या पोस्ट हटवल्याचा दिपकेंचा आरोप
दिपके एक्स माध्यमावरील आपल्या पोस्टमध्ये म्हणतात, मेटा सीजेपीच्या इन्स्टाग्राम पोस्ट का हटवत आहे? कम्युनिटी गाईडलाईन्सचे उल्लंघन केले नसताना आमच्या काही पोस्ट हटवण्यात आल्या. या पोस्टमधून केवळ सरकारला प्रश्न विचारण्यात आले आणि जनसामान्यांचे प्रश्न उपस्थित करण्यात आले.
सौरव दास यांचाही आरोप
इन्स्टाग्राम, मेटा माझ्या इन्स्टाग्राम खात्यावर बंधने का आणतंय आणि माझ्या पोस्टदेखील हटवल्या जाते आहेत? केवळ पोस्टमधून सत्ताधाऱ्यांवर टीका केली म्हणून? गेल्या अनेक दिवसांपासून कोलॅब फिचर देखील बंद आहे. आमच्या अभिव्यक्ती स्वातंत्र्याची मेटाला काहीच काळजी नाही का? सरकारच्या दबावाला बळी पडू नये असे आमचे मेटाला आवाहन आहे. आमचे खाते पूर्ववत करावे, अशी पोस्ट सौरव दास यांनी एक्स या सोशल मीडिया प्लॅटफॉर्मवर टाकली आहे.
मेटा प्लॅटफॉर्मवरून इन्स्टाग्राम, फेसबुक यांसारख्या समाजमाध्यमांना नियंत्रित केले जाते. सरकारविरोधी पोस्ट इन्स्टाग्रामवरून काढून टाकल्याचा आराेप अभिजीत दिपके यांनी केल्यानंतर नेटकऱ्यांनी त्यांना भरभरून पाठिंबा दर्शविला आहे.
No Comment! Be the first one.