आनंदपूर येथील ३५ वर्षीय मुकुंद कदम यांच्या कुटुंबीयांची भेट; शासकीय मदतीसाठी आवश्यक कार्यवाहीच्या सूचना
लोकार्थ प्रतिनिधी चंद्रकांत अंबिलवादे पैठण
आनंदपूर, ता. पैठण येथील शेतकरी मुकुंद मच्छिंद्र कदम (वय ३५ वर्षे) यांनी कर्जबाजारीपणाच्या तणावातून आत्महत्या केल्याची दुर्दैवी घटना घडली. या घटनेनंतर पैठण तालुक्याचे आमदार विलास बापू भुमरे यांनी कदम यांच्या कुटुंबीयांची भेट घेऊन त्यांचे सांत्वन केले.
यावेळी आमदार भुमरे यांनी कुटुंबीयांशी संवाद साधत त्यांच्या अडचणी आणि सध्याच्या परिस्थितीची माहिती घेतली. तसेच कुटुंबाला आवश्यक शासकीय मदत मिळण्यासाठी संबंधित शासकीय यंत्रणांनी तातडीने आवश्यक ती कार्यवाही करावी, अशा सूचना त्यांनी दिल्या.
यावेळी दीपक मोरे, जिल्हा परिषद सदस्य पोपटराव औटे, नितीन तांबे, पंचायत समिती सदस्य मनोज गायके, सरपंच विनोद खरात, पोलीस पाटील गोकुळ लगडे, तलाठी श्रीराम केंद्रे, इंगळे, मुनवर, मंडळ अधिकारी वाघमारे, ग्रामविकास अधिकारी सागर डोईफोडे, ग्रामपंचायत प्रशासक तिरुप तसेच कृषी विभागाच्या स्वाती काळे यांच्यासह संबंधित अधिकारी व पदाधिकारी उपस्थित होते.
No Comment! Be the first one.