फुलंब्रीतील बाजारपट्टी परिसरातील नदीत मृतदेह तरंगताना आढळला; घातपात की अपघात?

फुलंब्रीत खळबळ; मृत व्यक्तीची ओळख आणि मृत्यूचे कारण अद्याप अस्पष्ट

लोकार्थ प्रतिनिधी विजय देऊळगावकर

फुलंब्री : फुलंब्री येथील बाजारपट्टी परिसरातील नदीत एका व्यक्तीचा मृतदेह तरंगताना आढळून आल्याने परिसरात खळबळ उडाली आहे. ही घटना नेमकी कशी घडली, मृत्यू अपघाती आहे की यामागे घातपाताची शक्यता आहे, याबाबत नागरिकांमध्ये चर्चा सुरू आहे.

नदीत मृतदेह दिसताच परिसरातील नागरिकांनी घटनास्थळी गर्दी केली. घटनेची माहिती पोलिसांना देण्यात आली असून, पोलिसांकडून पुढील कार्यवाही करण्यात येत असल्याची माहिती आहे. मृत व्यक्तीची ओळख, मृत्यूची वेळ आणि मृत्यूमागील नेमके कारण याबाबत अद्याप अधिकृत माहिती उपलब्ध झालेली नाही.