तुळजापूर दर्शनासाठी निघालेल्या माजलगाव येथील कुटुंबाचा शिंदेवाडी फाट्यावर भीषण अपघात, ५ ठार

लोकार्थ प्रतिनिधी माजलगाव

बीड जिल्ह्यात माजलगाव तालुक्यात खामगाव–पंढरपूर राष्ट्रीय महामार्गावर शिंदेवाडी फाटा येथे भीषण अपघात झाल्याची घटना समोर आली आहे. तुळजापूर येथे दर्शनासाठी निघालेल्या माजलगाव येथील एका कुटुंबाची कार एसटी बसवर धडकून हा अपघात झाला. अविनाश दादा बनसोडे यांच्या पेट्रोल पंपासमोर ही दुर्घटना घडली. या अपघातात गजानन नामदास (३८), ओमकार महादेव गिरी (३४), माऊली गजानन नामदास (११), सोमनाथ बडे (२३) आणि अनिल आचार्य (४०) यांचा जागीच मृत्यू झाला. दरम्यान, या घटनेनंतर नागरिकांनी रस्त्यावर उतरून रास्ता रोको आंदोलन सुरू केल्याची माहिती आहे.