‘जय व्यंकटरमण गोविंदा’च्या गजरात खुलताबादेत मानाच्या काठीची मिरवणूक

लोकार्थ प्रतिनिधी विजय चौधरी खुलताबाद

विजयादशमी ( दसरा  ) शुभ मुहूर्तावर खुलताबाद येथील ऐतिहासिक धार्मिक महत्त्व असलेल्या शहरात पारंपरिक पद्धतीने मानाच्या काठीची मिरवणूक काढण्याची. विजयादशमीच्या दिवशी मानाच्या काठीची मिरवणूक काढण्याची मोठी परंपरा आहे. ग्रामदेवता श्री मंगला देवी मंदिर येथून या मानाच्या काठीचे मिरवणूक निघते. या वैशिष्ट्यपूर्ण मिरवणुकीची प्रमुख आकर्षण आणि धार्मिक महत्त्व पाहता या मिरवणुकीमध्ये सर्व ज्येष्ठ नागरिक, अबाल वृद्ध  तरूण मोठ्या उत्साहाने सहभागी झाले होते. विजयादशमीच्या दिवशी मंगल पेठ बाजारपेठ येथील श्री मंगला देवी मंदिर येथून ग्रामस्थ मानकरी एकत्र येऊन पारंपरिक वाद्याच्या गजरात आणि बोल बालासाहेब की जय व्यंकटरमण गोविंदा… अशा जयघोषात मानाच्या काठीची मिरवणूक निघाली. सीमोल्लंघन सोहळा साजरा करण्यासाठी मानाची काठी संध्याकाळी छत्रपती संभाजीनगर रस्त्यावरील चार पुलाचा महादेव मंदिरात पोहोचताच आपट्याची पाने सोने लुटण्याचा कार्यक्रम संपन्न झाला.  रवींद्र जोशी ढगे यांच्या प्रमुख उपस्थितीत हा सीमोल्लंघन सोहळा संपन्न झाला.  खुलताबाद हे  सुफीसंतांचे गाव म्हणून ओळखले जाते.  येथील सणांमध्ये मिरवणुकांमध्ये स्थानिक संस्कृती व धार्मिक ऐक्याचे दर्शन घडते. दसऱ्यानिमित्त आपट्याची पाने एकमेकांना देऊन उवस्थितांनी विजयादशमीच्या शुभेच्छा दिल्या. या काठीच्या मिरवणुकीमध्ये मंगल पेठ बाजारपेठ येथील नागरिक तसेच शहरातील नागरिक मोठ्या संख्येने उत्साहाने सहभागी झाले होते.