आम्ही शाळा उभारल्या, तुम्ही १२ वर्षांत बंद केल्या : सुप्रिया सुळे

छत्रपती संभाजीनगर : लोकार्थ प्रतिनिधी

’70 वर्षात काय केलं?’ असा प्रश्न आम्हाला वारंवार विचारला जातो. मात्र, याच काळात आम्ही शैक्षणिक संस्था उभ्या केल्या, मराठी भाषा गावागावांत पोहोचवली आणि वंचित घटकांना शिक्षणाच्या प्रवाहात आणलं. मग 12 वर्षांत मराठी शाळा बंद करण्याचं पाप कोणी केलं, याचाही हिशोब द्या, अशा शब्दांत राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे यांनी विरोधकांना प्रत्युत्तर दिले. लोकप्रतिनिधींनी जनतेच्या प्रश्नांचा हिशोब द्यावा आणि मतदारांनीही उमेदवाराचं काम तपासून मतदान करावं, असं आवाहन त्यांनी केलं.

छत्रपती संभाजीनगर :येथील एमजीएम विद्यापीठात आयोजित कार्यक्रमात सुप्रिया सुळे बोलत होत्या. शिक्षक मतदारसंघाच्या निवडणुकीच्या पार्श्वभूमीवर बोलताना सुळे यांनी शिक्षण, सामाजिक परिवर्तन, लोकप्रतिनिधींची जबाबदारी आणि प्रताप पाटील यांना संधी देण्याबाबत भूमिका मांडली.