विजय देऊळगावकर
छत्रपती संभाजीनगर : जटवाडा रोड परिसरात पिस्तूल आणि तीन जिवंत काडतुसे बाळगणाऱ्या दोन तरुणांना बेगमपुरा पोलिसांनी अटक केली. ही कारवाई ६ सप्टेंबर रोजी सायंकाळी गॅलेक्सी टर्फ परिसरात करण्यात आली.
अरबाज अलीम शेख (१९, रा. जटवाडा) आणि खान अय्यान नईम खान (२१, रा. जफर पार्क, जटवाडा रोड) अशी अटक करण्यात आलेल्या आरोपींची नावे आहेत. पोलिसांनी अरबाज याच्याकडून सुमारे ४० हजार रुपये किमतीचे देशी बनावटीचे पिस्तूल, तीन जिवंत काडतुसे आणि मोबाईल, तर अय्यान याच्याकडून मोबाईल असा एकूण ६३ हजार रुपयांचा मुद्देमाल जप्त केला.
चौकशीत पिस्तूल अय्यान याने आपल्याकडे दिल्याचे अरबाजने सांगितल्याची माहिती पोलिसांनी दिली. तसेच अरबाजच्या मोबाईलच्या फोटो गॅलरीमध्ये पिस्तूलाचे फोटो आणि व्हिडीओ आढळून आले.
दोन्ही आरोपींना तत्काळ अटक करून न्यायालयातून तीन दिवसांचा पोलीस कोठडी रिमांड (PCR) मिळवण्यात आला आहे. पुढील तपास मपोउपनि केदार मॅडम करीत आहेत.
No Comment! Be the first one.