सराफा भागातील अवैध कुटंणखाना उद्ध्वस्त: दोन जणांविरुद्ध गुन्हा दाखल

लोकार्थ प्रतिनधी बालाजी वैजाळे नांदेड

नांदेड (म नेता)
शहरातील होळी सराफा भागातील चंद्रकांत प्लाझा परिसरात सुरू असलेल्या अवैध वेश्याव्यवसाय असलेल्या कुंटणखान्यावर स्थानिक गुन्हे शाखा व अनैतिक मानवी वाहतूक प्रतिबंधक पथकाने संयुक्त कारवाई करत छापा टाकला असून या कारवाईत पोलिसांनी एका 33 वर्षीय पीडित महिलेची सुटका केली आहे. पैशांचे आमिष दाखवून वेश्या व्यवसाय चालविणाऱ्या महिला आरोपीसह तिच्या मुलास ताब्यात घेतले आहे. पोलिसांनी या कारवाईत रोख रक्कम, 4 मोबाईल फोनसह 73 हजार रुपयांचा मुद्देमाल जप्त केला आहे.
इतवारा विभागाचे उपविभागीय पोलीस अधीकारी शिंदे इतवारा यांना गुप्त मिळाली की, नांदेड शहरातील होळी सराफा भागातील चंद्रकांत प्लाझा येथे अवैध वेश्या व्यवसाय सुरू आहे. त्या माहितीच्या आधारे स्थानिक गुन्हे शाखेचे पोलिस निरीक्षक अतुल भोसले यांनी तात्काळ कारवाईचे नियोजन केले. त्यांनी दोन शासकीय पंच आणि एका बोगस गि-हाईकाची नियुक्ती करून छापा पूर्व पंचनामा करण्यात आला. बोगस गि-हाईकाकडे 500 रुपयांच्या दोन नोटा देऊन त्यास पंचासोबत चंद्रकांत प्लाझा येथील घर क्र. 019-059 येथे पाठविण्यात आले. बोगस गिऱ्हाईकाने ठरल्याप्रमाणे सायंकाळच्या सुमारास पोलीस अंमलदाराच्या मोबाईलवर मिसकॉल देऊन इशारा करताच, दबा धरून बसलेल्या पोलीस पथकाने तात्काळ अवैध वेश्यांच्या व्यवसाय करणाऱ्या घरावर छापा टाकला. छाप्या दरम्यान तिथे एक 33 वर्षीय पीडित महिला आढळून आली. तिची विचारपूस केली असता तिने सांगितले की, आरोपी महिला दिपाली किशोर उदावंत व तिचा मुलगा नितीन किशोर उदावंत हे पीडित महिलेला जास्त पैशांचे आमिष दाखवून तिच्याकडून वेश्या व्यवसाय करून घेत होते. नितीन उदावंत हा गि-हाईक आणण्याचे काम करत असे, तर दिपाली उदावंत व नितीन हे गि-हाईकांकडून पैसे स्वीकारून त्यातील अर्धी रक्कम स्वतःकडे ठेवून घेत असल्याचे सांगितले. पोलिसांनी पंचासमक्ष घराची झडती घेऊन रोख रक्कम, मोबाईल असा 73 हजार 10 रुपयांचा मुद्देमाल जप्त करण्यात आला आहे. या प्रकरणी नमुद आरोपीविरुध्द पोलीस ठाणे इतवारा पोलिस ठाण्यात मानवी व्यापार प्रतिबंध अधिनियम अन्वये गुन्हा दाखल करण्यात आला आहे.

सदरील कारवाई पोलिस अधिक्षक डॉ. नीलाभ रोहन, अप्पर पोलिस अधिक्षक सुरज गुरव यांचे मार्गदर्शनाखाली उपविभागीय पोलिस अधिकारी प्रशांत शिंदे यांच्या नेतृत्वात स्थानिक गुन्हे शाखा येथील पोलिस निरीक्षक अतुल भोसले, पोलीस अमंलदार रितेश कुलथे, गणेश लोसरवार, ज्ञानोबा कवठेकर तसेच अनैतिक मानवी वाहतूक प्रतिबंधक कक्षाच्या पोलिस उपनिरीक्षक अश्विनी गायकवाड, अच्युत मोरे महिला अंमलदार दिपा कोकाटे सर्व नेमणुक नांदेड ग्रामीण पोलीस स्टेशन यांनी यशस्वीरीत्या पार पाडली आहे.