लोकार्थ प्रतिनिधी विजय देऊळगावकर
छत्रपती संभाजीनगर : जागतिक पुरुष दिनानिमित्त वाळूज एमआयडीसीतील करोडी (साजापूर रोड) येथे पतीपीडित पुरुष आश्रमाच्या सदस्यांनी अनोख्या पद्धतीने आंदोलन केले. गुरुवारी (१९ नोव्हेंबर) सकाळी ११ वाजता आंदोलकांनी शीर्षासन आणि कोलांटउड्या मारत पुरुषांच्या समस्यांकडे लक्ष वेधले.
महिलाविषयक कायद्यांच्या कथित गैरवापरावर आळा घालावा, पुरुषांसाठी स्वतंत्र आयोग स्थापन करावा आणि स्त्री-पुरुषांना समान न्याय मिळावा, अशा मागण्या यावेळी करण्यात आल्या.
आश्रमाचे संस्थापक अध्यक्ष अॅड. भारत फुलोरे यांनी पुरुषांच्या मानसिक आरोग्याचा प्रश्न गंभीर असल्याचे सांगत अन्यायाविरोधात पुरुषांनी निर्भयपणे आवाज उठवावा, असे आवाहन केले.
आश्रमाकडे आतापर्यंत सुमारे ११ हजार पुरुषांच्या समस्यांशी संबंधित प्रकरणांची नोंद झाल्याचा दावा पदाधिकाऱ्यांनी केला. पुरुषांच्या तक्रारींची प्रशासनाने गांभीर्याने दखल घ्यावी, अशी मागणीही यावेळी करण्यात आली.
No Comment! Be the first one.