खुलताबाद पोलीस ठाण्यात पोलीस पाटलांच्या दप्तरांचीवार्षिक तपासणी

खुलताबाद : प्रतिनिधी

खुलताबाद पोलीस ठाण्यात छत्रपती संभाजीनगर ग्रामीणचे अपर पोलीस अधीक्षक प्रशांत स्वामी आणि उपविभागीय पोलीस अधिकारी अपराजिता अग्निहोत्री यांच्या उपस्थितीत खुलताबाद तालुक्यातील सर्व पोलीस पाटलांच्या दप्तरांची वार्षिक तपासणी करण्यात आली.
या तपासणीदरम्यान पोलीस पाटलांच्या दप्तरातील नोंदी, अभिलेख आणि प्रशासकीय कामकाजाचा आढावा घेण्यात आला. ग्रामीण भागातील कायदा व सुव्यवस्था राखण्यासाठी पोलीस पाटलांची भूमिका महत्त्वाची असून, त्यांच्या कामकाजातील नोंदी अद्ययावत व व्यवस्थित ठेवण्याच्या दृष्टीने या तपासणीला विशेष महत्त्व आहे.

यावेळी खुलताबाद पोलीस ठाण्याचे पोलीस निरीक्षक प्रशांत महाजन, सहाय्यक पोलीस निरीक्षक विशाल बोडखे, पोलीस उपनिरीक्षक राजेश पाटील, गोपनीय शाखेचे के के गवळी, अंकुश सरोदे यांच्यासह तालुक्यातील सर्व पोलीस पाटील उपस्थित होते.