जालन्यातील सामाजिक, राजकीय क्षेत्रातील मान्यवरांनी घेतली आमदार अर्जुन खोतकर यांची भेट

मुंबईत निवासस्थानी भेटी सुरू; खोतकर लवकर बरे होऊन पुन्हा जनसेवेत रुजू व्हावेत, अशी सदिच्छा

लोकार्थ प्रतिनिधी राहुल मुळे

जालना – शिवसेनेचे जालना विधानसभा मतदारसंघाचे आमदार अर्जुनराव खोतकर यांच्या पायाला फ्रॅक्चर झाल्याने ते सध्या मुंबई येथील निवासस्थानी विश्रांती घेत आहेत. त्यांच्या प्रकृतीची विचारपूस करण्यासाठी जालन्यातील सामाजिक, राजकीय तसेच विविध क्षेत्रांतील मान्यवरांकडून मुंबई येथे भेटी घेतल्या जात आहेत. आतापर्यंत जालन्यातील हजारो कार्यकर्त्यांनी आमदार खोतकर यांची भेट घेतल्याचे सांगण्यात येत आहे.
बुधवारी (दि. २८ ऑक्टोबर) मराठा क्रांती मोर्चाचे समन्वयक डॉ. संजय लाखे पाटील, सीए गोविंदप्रसाद मुंदडा, शिवसेनेचे मेघराज चौधरी, भरत गव्हाणे, शरद देशमुख भरत गोमटे यांच्यासह विविध क्षेत्रांतील मान्यवरांनी मुंबई येथे आमदार अर्जुनराव खोतकर यांची भेट घेतली. यावेळी त्यांनी त्यांच्या प्रकृतीची विचारपूस करून लवकरात लवकर बरे होण्याच्या शुभेच्छा दिल्या
आमदार खोतकर यांच्या पायाला फ्रॅक्चर झाल्यामुळे त्यांना सध्या विश्रांती घ्यावी लागत आहे. त्यांच्या प्रकृतीत लवकर सुधारणा होऊन त्यांनी पुन्हा जालन्यातील जनतेच्या सेवेत सक्रिय व्हावे, अशी भावना भेटीसाठी आलेल्या सामाजिक कार्यकर्ते आणि पदाधिकाऱ्यांनी व्यक्त केली. त्यांच्या लवकर बरे होण्यासाठी देवाकडे प्रार्थनाही करण्यात आली.
या भेटींमुळे जालन्यातील सामाजिक व राजकीय क्षेत्रातील मान्यवरांकडून आमदार खोतकर यांच्या प्रकृतीबाबत विचारपूस केली जात असल्याचे चित्र दिसून येत आहे.