नांदेडमध्ये कामाच्या मागणीसाठी स्वाभिमानी मजूर संघटनेचा मोर्चा

लोकार्थ प्रतिनिधी बालाजी वैजाळे

रोजगार हमी योजनेंतर्गत कामाची मागणी करूनही काम मिळत नसल्याने आणि दुष्काळी परिस्थितीमुळे मजुरांवर उपासमारीची वेळ आल्याने आज स्वाभीमानी मजूर संघटनेच्या वतीने जिल्हाधिकारी कार्यालयावर काम मागणी मोर्चा काढण्यात आला.

हातात बॅनर घेऊन मोठ्या संख्येने महिला मजूर या मोर्चात सहभागी झाल्या होत्या.
संघटनेच्या प्रमुख ५ मागण्या अशा होत्या–

रोजगार हमी कामाची मागणी केलेल्या मजुरांना तात्काळ काम उपलब्ध करून द्यावे, दुष्काळग्रस्त परिस्थितीमध्ये सर्व मजूर कुटुंबाला नगदी २५,००० रुपयांची आर्थिक मदत करावी , रोजगार हमीची प्रतिदिन मजुरी ६०० रुपये करून प्रत्येक आठवड्याला मजुरांच्या खात्यात पेमेंट जमा करावे, कामाची मागणी करूनही काम न मिळालेल्या मजुरांना बेरोजगार भत्ता लवकरात लवकर द्यावा,मजुरांची फायनान्स व बँकेची सक्तीची वसुली तात्काळ बंद करावी.

दुष्काळामुळे हाताला काम नाही, त्यातच फायनान्स आणि बँकांच्या वसुलीचा तगादा सुरू असल्याने मजूर कुटुंब आर्थिक संकटात सापडल्याचे आंदोलकांनी म्हटले आहे. जोपर्यंत मागण्या मान्य होत नाहीत तोपर्यंत आंदोलन सुरूच ठेवण्याचा इशारा यावेळी स्वाभीमानी मजूर संघटनेने दिला आहे.

बाईट : जिवन राठोड मराठवाडा समन्वयक स्वाभिमानी मजदूर संघ