सचिन पेंढारकर यांच्या वाढदिवसानिमित्त शेतकऱ्यांचा मोफत अपघाती विमा

३० ऑक्टोबर रोजी एसबीआय बँकेसमोर उपक्रम; शेतकरी बांधवांनी लाभ घेण्याचे आवाहन

लोकार्थ प्रतिनिधी गोपाल सातपुते

हिंगोली – कळमनुरी तालुक्यातील आखाडा बाळापूर येथे शिवसेना युवासेनेचे तालुकाप्रमुख युवा नेते सचिन पेंढारकर यांच्या वाढदिवसानिमित्त शेतकरी बांधवांसाठी मोफत अपघाती विमा काढण्याचा उपक्रम आयोजित करण्यात आला आहे. गुरुवार, दि. ३० ऑक्टोबर रोजी एसबीआय बँकेसमोर हा उपक्रम राबविण्यात येणार आहे. परिसरातील शेतकरी बांधवांनी या उपक्रमाचा लाभ घ्यावा, असे आवाहन युवा नेते सचिन पेंढारकर यांनी केले आहे.

शेतकरी हा ग्रामीण अर्थव्यवस्थेचा कणा असून, शेतीकाम करताना अनेकदा अपघातांचा धोका असतो. अशा परिस्थितीत शेतकरी व त्यांच्या कुटुंबीयांना आर्थिक संरक्षण मिळावे, या उद्देशाने वाढदिवसानिमित्त मोफत अपघाती विमा काढण्याचा सामाजिक उपक्रम हाती घेण्यात आला आहे.

वाढदिवसाच्या निमित्ताने केवळ उत्सव साजरा न करता समाजोपयोगी उपक्रम राबवून शेतकरी बांधवांना मदतीचा हात देण्याचा प्रयत्न या माध्यमातून करण्यात येत आहे. आखाडा बाळापूर व परिसरातील शेतकऱ्यांनी शुक्रवारी, दि. ३० ऑक्टोबर रोजी एसबीआय बँकेसमोर उपस्थित राहून या उपक्रमाची माहिती घ्यावी व लाभ घ्यावा, असे आवाहन सचिन पेंढारकर यांनी केले आहे.