बिडकीनमध्ये ६,६८० रुपयांचा गांजा जप्त; ६९ वर्षीय आरोपी ताब्यात

विजय देऊळगावकर

बिडकीन : टकार मोहल्ला परिसरात बेकायदेशीररीत्या गांजा बाळगणाऱ्या ६९ वर्षीय व्यक्तीविरुद्ध बिडकीन पोलिसांनी कारवाई केली. लक्ष्मण विश्वनाथ कवडे (वय ६९, रा. टकार मोहल्ला, बिडकीन) असे आरोपीचे नाव आहे.

पोलिसांनी दिलेल्या माहितीनुसार, १३ सप्टेंबर रोजी सायंकाळी ७.२७ वाजण्याच्या सुमारास ही कारवाई करण्यात आली. आरोपीकडून ६६८ ग्रॅम गांजा जप्त करण्यात आला असून त्याची अंदाजे किंमत ६ हजार ६८० रुपये आहे. पॅकिंगसह एकूण वजन ७२९ ग्रॅम असल्याचे पोलिसांनी नमूद केले आहे.

याप्रकरणी पोलीस उपनिरीक्षक मनजितसिंग रतनसिंग सेना यांच्या फिर्यादीवरून बिडकीन पोलीस ठाण्यात गुन्हा क्रमांक ५७५/२०२६, कलम ८(सी), २०(बी) एनडीपीएस कायद्यान्वये गुन्हा दाखल करण्यात आला आहे. पुढील तपास पोलीस उपनिरीक्षक झिंझुर्डे करीत आहेत.