मराठी चित्रपट आणि मालिका विश्वातील अत्यंत लाडकी अभिनेत्री व प्रसिद्ध सूत्रसंचालिका प्राजक्ता माळी (Prajakta Mali) हिने नुकताच तिचा ३७ वा वाढदिवस मोठ्या उत्साहात साजरा केला. वाढदिवसाच्या निमित्ताने चाहत्यांकडून तिच्यावर शुभेच्छांचा वर्षाव होत असतानाच, प्राजक्ताने एक अत्यंत महत्त्वाचा आणि अनपेक्षित निर्णय जाहीर केला आहे. तिने आता ‘व्हीगन’ (Vegan) जीवनशैली स्वीकारल्याची घोषणा सोशल मीडियाद्वारे केली आहे.
सिद्धिविनायक अन् आई तुळजाईचे दर्शन
वाढदिवसाची सुरुवात प्राजक्ताने देवाच्या दर्शनाने केली. सकाळी तिने श्री सिद्धिविनायक मंदिर आणि आई तुळजाई मातेचे दर्शन घेऊन आशीर्वाद घेतले. यानंतर तिने आपल्या चाहत्यांशी संवाद साधत आयुष्यातील या नव्या बदलाची माहिती दिली.
स्वखुशीने नाही, तर आरोग्यामुळे घेतला निर्णय!
प्राजक्ताने स्पष्ट केले की, व्हीगन होण्याचा हा निर्णय तिने कोणत्याही ट्रेंड किंवा स्वखुशीने घेतलेला नाही, तर आरोग्याशी संबंधित समस्यांमुळे तिला नाईलाजाने हा निर्णय घ्यावा लागला आहे.
गेल्या काही काळापासून दूध आणि दुग्धजन्य पदार्थांचे (Dairy Products) सेवन केल्यानंतर तिला वारंवार कफ आणि सर्दीचा प्रचंड त्रास होत होता. डॉक्टरांच्या सल्ल्यानुसार आणि शरीराच्या गरजा लक्षात घेऊन तिने दुग्धजन्य पदार्थ पूर्णपणे सोडण्याचा आणि ‘व्हीगन’ डाएट फॉलो करण्याचा निर्णय घेतला आहे.
चाहत्यांकडून आरोग्यासाठी शुभेच्छा
प्राजक्ताने ही माहिती सोशल मीडियावर शेअर केल्यानंतर तिच्या चाहत्यांनी आणि कलाकारांनी तिच्या या निर्णयाचे स्वागत केले आहे. तसेच तिच्या उत्तम आरोग्यासाठी प्रार्थना करत वाढदिवसाच्या भरभरून शुभेच्छा दिल्या आहेत.
No Comment! Be the first one.