नाचनवेल फाट्यावर मोटार अपघातात जामनेरच्या ३९ वर्षीय व्यक्तीचा मृत्यू

लोकार्थ प्रतिनिधी किशोर जाधव

पिशोर : कन्नड-सिल्लोड महामार्गावरील नाचनवेल फाट्यावर मंगळवारी (दि. १०) दुपारी झालेल्या मोटार अपघातात वाल्मीक कचरू जोशी (वय ३९, रा. जामनेर, जि. जळगाव) यांचा मृत्यू झाला.
मिळालेल्या माहितीनुसार, नाचनवेल फाटा येथे दुपारी ३.५० वाजेच्या सुमारास मोटार अपघात झाला. या अपघातात वाल्मीक जोशी यांच्या पायाला व डोक्याला गंभीर दुखापत झाली. त्यांना उपचारासाठी ग्रामीण रुग्णालय, पिशोर येथे दाखल करण्यात आले असता त्यांचा मृत्यू झाल्याचे वैद्यकीय अधिकाऱ्यांनी घोषित केले.
याप्रकरणी वैद्यकीय अधिकाऱ्यांच्या खबरीवरून पिशोर पोलीस ठाण्यात आकस्मिक मृत्यूची नोंद करण्यात आली आहे. पुढील चौकशी पोलीस हवालदार दराडे करीत आहेत.