पाचपीरवाडी-कसाबखेडा परिसरात डांबराच्या ट्रकला भीषण आग; माल जळून खाक

लोकार्थ प्रतिनिधी विजय चौधरी

छत्रपती संभाजीनगर जिल्ह्यातील पाचपीरवाडी – कसाबखेडा परिसरात डांबर कंपनीच्या ट्रकला अचानक आग लागल्याची घटना आज सोमवारी घडली. या आगीत ट्रकसह त्यातील डांबरचा माल जळून खाक झाला असून मोठे आर्थिक नुकसान झाले आहे. सुदैवाने या घटनेत कोणतीही जीवितहानी झालेली नाही.

घटनेची माहिती मिळताच छत्रपती संभाजीनगर महानगरपालिकेच्या अग्निशमन दलाच्या गाड्या घटनास्थळी दाखल झाल्या. अग्निशमन दलाच्या जवानांनी आग आटोक्यात आणण्यासाठी प्रयत्न केले.

दरम्यान, आगीचे नेमके कारण व नुकसानीचा तपशील समजू शकलेला नाही. या घटनेमुळे परिसरात काही काळ खळबळ उडाली.