वडवळीत वसुबारस उत्साहात; श्रीविजयी पांडुरंग गौशाळेत गोमातेचे भक्तिभावाने पूजन

पैठण तालुका गोसेवेचा संकल्प आणि गोसंवर्धनाचा संदेश; गौरक्षक, गौसेवक व पशुवैद्यकीय अधिकाऱ्यांची मोठी उपस्थिती

लोकार्थ प्रतिनिधी चंद्रकांत अंबिलवादे

वडवळी (पैठण) : वसुबारस सणानिमित्त पैठण तालुक्यातील वडवळी येथील श्रीविजयी पांडुरंग गौशाळेत गुरुवारी गोमातेचे विधिवत पूजन करण्यात आले. अशोक चांडक यांच्या पुढाकारातून आयोजित या कार्यक्रमात उपस्थित मान्यवरांच्या हस्ते पूजन व आरती करून गोसंवर्धन आणि गोसेवेचा संदेश देण्यात आला.

भारतीय संस्कृतीत गोमातेप्रती कृतज्ञता व्यक्त करण्याचा दिवस म्हणून वसुबारस साजरा केला जातो. याच पार्श्वभूमीवर गौशाळेत भक्तिमय वातावरणात हा सोहळा पार पडला. यावेळी गोमातेचे महत्त्व विशद करत गोसेवेचा संकल्प करण्यात आला.

कार्यक्रमाला नगरसेविका वैशालीताई परदेशी, जलकन्या काळे, अश्विनीताई लखमले, सौ. लोखंडे, सौ. सोनवणे यांच्यासह पशुवैद्यकीय अधिकारी डॉ. आझाद पानसरे, डॉ. वैभव देशपांडे, डॉ. गायत्री गारे, डॉ. सहयोगिता चूनावाले व डॉ. विवेक गोर्डे उपस्थित होते.

तसेच विश्व हिंदू परिषद–बजरंग दलाचे संयोजक गणेश टोकशा, गौरक्षक आदित्य गायकवाड, सोमनाथ डोके, अक्षय राक्षे, सचिन लसगरे, विशाल लसगरे, कृष्णा जाधव, अर्णव औटे, अजय फटांगडे, नवनाथ गालफाडे, आदित्य अरागळे, कृष्णा मिसाळ, चैतन्य एरंडे यांच्यासह मोठ्या संख्येने गौरक्षक व गौसेवक सहभागी झाले.