शेतकऱ्यांची दिवाळी गोड! विलास कारखान्याकडून ३३.३८ कोटींचे ऊस बिल जमा

निवळी आणि तोंडार कारखान्यांकडून प्रतिटन तीन हजार रुपयांचा पहिला हप्ता शेतकऱ्यांच्या खात्यावर

लोकार्थ प्रतिनिधी शरद मेहकरे

दिवाळीच्या पार्श्वभूमीवर ऊस उत्पादक शेतकऱ्यांसाठी दिलासादायक बातमी समोर आली आहे. मांजरा परिवारातील विलास सहकारी साखर कारखान्याच्या निवळी आणि तोंडार येथील कारखान्यांनी ऊस उत्पादक शेतकऱ्यांना प्रतिटन तीन हजार रुपयांप्रमाणे पहिला हप्ता दिला आहे.
दोन्ही कारखान्यांकडून एकूण ३३ कोटी ३८ लाख ९३ हजार रुपये शेतकऱ्यांच्या बँक खात्यांवर जमा करण्यात आले आहेत.
निवळी कारखान्याकडून १६ कोटी ८ लाख ९३ हजार रुपये, तर तोंडार कारखान्याकडून १७ कोटी ३० लाख रुपये वितरित करण्यात आले आहेत.
शेतकऱ्यांच्या खात्यावर थेट रक्कम जमा झाल्याने ऊस उत्पादकांना दिवाळीच्या काळात आर्थिक दिलासा मिळाला आहे.