पेट्रोलपंप लुटीचा पर्दाफाश; तिघे अटकेत

लोकार्थ प्रतिनिधी विजय देऊळगावकर

गंगापूर : नांद्राबाद येथील गमर पेट्रोलपंपावर १ लाख ३० हजार रुपयांची सशस्त्र लूट करणाऱ्या तिघांना गंगापूर पोलिसांनी अटक केली. तुषार बर्डे, संदेश खंडागळे आणि विकास मावस अशी आरोपींची नावे आहेत. यातील तुषार व संदेश हे पंपावरील कर्मचारी आहेत.

शनिवारी (२६ सप्टेंबर) मध्यरात्री कत्ती व लाकडी दांड्याचा धाक दाखवत केबिनमधील ड्रॉवर फोडून रोकड लुटण्यात आली होती. तपासात पंपावरील कर्मचाऱ्यांनीच तिसऱ्या साथीदारासोबत लुटीचा कट रचल्याचे उघड झाले. पोलिसांनी तिघांकडून लुटलेली संपूर्ण रक्कम हस्तगत केली.