केज कळंब रोडवर माळेगाव येथे अज्ञात वाहनाच्या धडकेत दोन मोटारसायकल स्वार गंभीर जखमी

केज कळंब रोडवर मालेगाव येथे रात्री ११:३० वाजेच्या सुमारास एका अज्ञात टँकरने दोन मोटार सायकलीला मागून जोराची धडक दिल्याने दोघे गंभीर जखमी झाले आहेत.

लोकार्थ प्रतिनिधी गौतम बचुटे, केज

केज दि. १ ऑक्टोबर रोजी रात्री ११:३० वाजण्याच्या दरम्यान केज कळंब रोडवरील माळेगांव येथे एका भरधाव वेगातील टँकनेने मोटार सायकल क्र. (एम एच-१३/ सी एफ-७४५९) आणि दुसरी मोटार सायकल क्र. (एम एच-१६/एक्स-१३६९) या दोन्ही मोटार सायकलीला पाठीमागून जोराची धडक दिली. यात महादेव भीमा पवार रा. साळेगाव ता. केज आणि अन्य दुसरा मोटार सायकल स्वार हे दोघे गंभीर जखमी झाले आहेत.
अपघाताची माहिती मिळताच रुग्णवाहिका पायलट मकरंद घुले यांनी अपघातस्थळी धाव घेतली. मात्र त्या पूर्वी अपघातस्थळी हजर झालेल्या अन्य एका रुग्णवाहिकेतून दोन्ही जखमींना उपजिल्हा रुग्णालय केज येथे हलविण्यात आले.
तर अपघाताची माहिती मिळताच दोन्ही मोटार सायकलीला धडक देऊन फरार झालेल्या अज्ञात वाहनाचा व त्याच्या चालकाचा तपास युसुफवडगाव पोलिस ठाण्याचे प्रभारी सहाय्यक पोलीस निरीक्षक संदीप मांजरमे करीत आहेत.