पोलिसांच्या गस्तीच्या वाहनासोबत गुन्हेगाराची रील; मुकुंदवाडी पोलिसांवर प्रश्नचिन्ह
लोकार्थ प्रतिनिधी
छत्रपती संभाजीनगर : रामनगर, विठ्ठलनगर आणि संघर्षनगर परिसरात दहशत माजवणारा प्रफुल्ल उर्फ लादेन याने चक्क मुकुंदवाडी पोलिसांच्या गस्तीवरील वाहनासोबत रील तयार केल्याचा प्रकार समोर आला आहे. गणेशोत्सवादरम्यान विठ्ठलनगर चौकात तयार केलेली १९ सेकंदांची ही रील सोशल मीडियावर व्हायरल झाली आहे.
रीलमध्ये मुकुंदवाडी पोलिसांचे शासकीय वाहन रस्त्यावर उभे असून, त्यातून प्रफुल्ल बाहेर पडताना दिसत आहे. त्यानंतर तो कॅमेऱ्यासमोर स्टाईलमध्ये चालत येत पोझ देतो. पोलिसांच्या गस्तीच्या वाहनाचा अशा प्रकारे वापर झाल्याने परिसरात खळबळ उडाली असून, पोलिसांच्या कार्यपद्धतीवर प्रश्नचिन्ह उपस्थित झाले आहे.
प्रफुल्लविरुद्ध चोरी, लुटमार, मारहाण आणि दहशत माजवण्यासह विविध गंभीर गुन्हे दाखल असल्याचे सांगितले जाते. या प्रकाराची पोलीस आयुक्त प्रवीण पवार दखल घेऊन संबंधित पोलिसांकडून खुलासा मागविणार का, असा प्रश्न नागरिकांकडून उपस्थित केला जात आहे.
Other Articles
No Comment! Be the first one.