भारताची पाकिस्तानला धोबीपछाड

दिल्ली : लोकार्थ प्रतिनिधी
आशियाई खेळांमध्ये गुरुवारी भारतीय हॉकी संघाने उपांत्य फेरीत पाकिस्तानवर ४-३ असा विजय मिळवून अंतिम फेरीकडे आगेकूच केली. पाकिस्तानला आता कांस्य पदकासाठी एक सामना जिंकावा लागणार आहे. मलेशिया आणि कोरिया यांपैकी जो संघ दुसऱ्या उपांत्यफेरीत जिंकेल, त्याच्याशी भारताची अंतिम फेरीत लढत होणार आहे.
पाकिस्तानविरुद्धच्या सामन्यावर भारताने सुरुवातीपासूनच पकड ठेवली. पहिल्या हाफपर्यंत भारताने दोन गोल केले. हरमनप्रीत सिंगनं १३व्या मिनिटाला पेनल्टी काॅर्नरवरून गोल केला. २३व्या मिनिटाला मिळालेल्या आणखी एका पेनल्टी कॉर्नरवर भारतानं दुसरा गोल फटकावला. पाकिस्तानकडून अबू मोहम्मदने ३०व्या मिनिटाला पहिला गोल केला.