मागील हंगामातील थकीत ऊसबिलासाठी संत एकनाथ कारखान्यासमोर शेतकऱ्याचे आमरण उपोषण सुरू….

लोकार्थ प्रतिनिधी चंद्रकांत अंबिलवादे

पैठण : पैठण तालुक्यातील संत एकनाथ सहकारी साखर कारखान्याची मालमत्ता गहाण ठेवून बँकेकडून घेतलेलं कर्जापैकी काही कर्ज कारखाना करार पद्धतीने चालविणारे सचिन घायळ शुगर प्रायव्हेट लिमिटेड या कंपनीने गैरव्यवहार केल्याप्रकरणी पोलिसात गुन्हा दाखल झाल्यामुळे चर्चेत असलेल्या कारखाना चालू येणारी सचिन घायाळ प्रायव्हेट लिमिटेड कंपनीने मागील गळीत हंगामातील ऊस उत्पादक शेतकऱ्यांचे थकीत ऊस बिल न दिल्यामुळे. ऊस उत्पादक शेतकऱ्यांनी स्वाभिमानी शेतकरी संघटनेच्या माध्यमातून कारखान्यासमोर आमरण उपोषण सुरू केल्यामुळे. हा कारखाना पुन्हा वादाच्या भवऱ्यात सापडला असून.

गुरुवारी रोजी सकाळी संत एकनाथ साखर कारखाना चालविणारे सचिन घायाळ शुगर प्रायव्हेट लिमिटेड कंपनीला मागील  हंगामात ऊस उत्पादकांनी ऊस दिला होता. या उसाचे थकीत बिलासाठी वारंवार शेतकऱ्यांनी निवेदन देऊन सचिन घायळ कंपनीला व संचालक मंडळाला ऊस उत्पादकाचे ऊस बिल देण्यासाठी वारंवार मागणी करून देखील. ऊस बिल न दिल्याने दुष्काळ परिस्थितीत शेतकरी हवालदिल झाल्याने संताप व्यक्त करून आमरण उपोषणाचा करण्याचा निर्णय स्वाभिमान शेतकरी संघटनेच्या माध्यमातून घेऊन कारखान्यासमोर उपोषण सुरू केले. शेतकऱ्याच्या मागणीसाठी या आंदोलन उपोषणाला अनेक शेतकऱ्यांनी पाठिंबा दिला आहे... यावेळी स्वाभिमानी शेतकरी संघटनेचे जिल्हाध्यक्ष ज्ञानदेव पा. मुळे, अंड. सतीश बोरूळकर,

छावा क्रांतिवीर सेनेचे प्रदेश सरचिटणीस अनिल पा. राऊत, पवन पा. सिसोदे, ज्ञानेश्वर उगले, विष्णू बोडके, साईनाथ पा. कर्डिले, सुभाष नवथर यांच्यासह मोठ्या संख्येने ऊस उत्पादक शेतकरी उपोषणास बसले आहे.

यापूर्वी स्वाभिमानी शेतकरी संघटनेच्या वतीने थकीत उसाचे बिल देण्याच्या मागणीसाठी तहसील कार्यालयाच्या परिसरातील पाण्याच्या टाकीवर चढून शोले स्टाईल आंदोलन करण्यात आले होते.