दुष्काळाच्या पार्श्वभूमीवर पैठण येथील नाथसागर धरणातील पाण्याचे योग्य नियोजन करणार….

लोकार्थ प्रतिनिधी चंद्रकांत आंबिलवादे पैठण

राज्य शासनाच्या वतीने पैठण तालुक्यासह मराठवाड्यातील अनेक गावात पाऊस न पडल्यामुळे निर्माण झालेली दुष्काळ परिस्थिती पाहता शेतकऱ्यांच्या हितासाठी प्रशासनाच्या वतीने दुष्काळ परिस्थितीवर मात करण्याच्या दृष्टिकोनातून जाहीर करण्यात आलेला उपयोजना राबविण्याच्या हालचालींना प्रशासकीय पातळीवर प्रयत्न सुरू केला.

मराठवाड्यातील शेतकऱ्यांच्या शेती सिंचनासह अनेक ठिकाणच्या नागरिकांची तहान भगविण्यासाठी
वरदान ठरलेल्या पैठण येथील नाथसागर धरणामध्ये सध्य स्थितीत पाणी पातळी 1518.11 फूटामध्ये उपलब्ध असून पाण्याची 79.98 टक्केवारी उपलब्ध आहे .
मागील वर्षी या तारखेला 97.74 उपयुक्त पाणीसाठा शिल्लक होता. धरण नियंत्रण कक्षात बाष्पीभवन 1.479
नोंद झाली असून शेती सिंचनासाठी धरणाच्या कालव्यातून पाण्याचा विसर्ग सुरू होता. हा विसर्ग आता बंद करण्यात आला आहे.

दि.15 ऑक्टोबर यानंतरच्या कालावधीत पाटबंधारे विभागाचे अधीक्षक अभियंता राजेंद्र दापटकर यांच्या सूचनेनुसार पैठण येथील पाटबंधारे विभागाचे कार्यकारी अभियंता गणेश हसे, धरण अभियंता श्रद्धा निंबाळकर, मंगेश शेलार सह धरण नियंत्रण पथकातील अधिकारी, कर्मचारी यांनी दुष्काळ परिस्थितीतील पाण्याचे योग्य नियोजन करण्याची प्रक्रिया सुरू केली आहे.