लातूर जिल्हा बँकेच्या निवडणुकीत मोठी घडामोड; आमदार रमेश कराडांची माघार

रमेश कराडांनी माघार घेतली; मात्र मुलगा ऋषिकेश कराड निवडणुकीच्या मैदानात कायम

लोकार्थ प्रतिनिधी शरद मेहकरे

लातूर जिल्हा मध्यवर्ती सहकारी बँकेच्या निवडणुकीत राजकीय घडामोडींना वेग आला आहे. आमदार रमेश कराड यांनी निवडणुकीतून माघार घेतल्याची बातमी समोर आली आहे. मात्र त्यांचे पुत्र ऋषिकेश कराड हे निवडणुकीच्या रिंगणात कायम असल्याने या निर्णयाकडे राजकीय वर्तुळाचे लक्ष लागले आहे.
जिल्हा बँकेची निवडणूक ही केवळ सहकार क्षेत्रापुरती मर्यादित नसून जिल्ह्यातील राजकीय समीकरणांसाठीही महत्त्वाची मानली जाते.
विविध गटांकडून उमेदवारांची जुळवाजुळव सुरू असून कोणत्या गटाला किती पाठिंबा मिळतो, यावर निवडणुकीचे चित्र अवलंबून राहणार आहे.
राजकीय प्रश्न : रमेश कराड यांच्या माघारीनंतर जिल्हा बँकेच्या निवडणुकीतील समीकरणे बदलणार का, याची उत्सुकता आहे.