विद्यार्थ्यांसाठी सावित्रीबाई फुले आधार आणि स्वयंम योजना; १३ नोव्हेंबरपर्यंत अर्जाची संधी

उच्च शिक्षण घेणाऱ्या पात्र विद्यार्थ्यांना भोजन, निवास व निर्वाह भत्ता; जिल्ह्यातील ६०० विद्यार्थ्यांना लाभ देण्याचे उद्दिष्ट

लोकार्थ प्रतिनिधी शरद मेहकरे

लातूर – राज्य शासनाच्या इतर मागास बहुजन कल्याण विभागामार्फत उच्च शिक्षण घेणाऱ्या विद्यार्थ्यांसाठी सावित्रीबाई फुले आधार योजना आणि पंडित दीनदयाळ उपाध्याय स्वयंम योजना राबविण्यात येत आहे.
वसतिगृहात प्रवेश न मिळालेल्या पात्र विद्यार्थ्यांना या योजनेंतर्गत भोजन, निवास आणि निर्वाह भत्ता उपलब्ध करून दिला जाणार आहे.
महसुली विभागाच्या शहरात उच्च शिक्षण घेणाऱ्या विद्यार्थ्यांसाठी ५७ हजार रुपये, तर जिल्ह्याच्या ठिकाणी शिक्षण घेणाऱ्या विद्यार्थ्यांसाठी ५० हजार रुपये वार्षिक लाभाची तरतूद असल्याची माहिती देण्यात आली आहे.
सन २०२६-२७ या शैक्षणिक वर्षासाठी १३ नोव्हेंबरपर्यंत ऑफलाइन अर्ज स्वीकारले जाणार आहेत. त्यामुळे पात्र विद्यार्थ्यांनी अंतिम मुदतीपूर्वी संबंधित कार्यालयाशी संपर्क साधून अर्ज प्रक्रिया पूर्ण करावी.