लातूर – लातूर शहरातील प्रसिद्ध संस्थाचालक संजीव सोनवणे यांनी मंगळवारी त्यांच्या राहत्या घरी स्वतःवर गोळी झाडून जीवन संपवल्याची घटना समोर आली. सकाळच्या सुमारास ही घटना उघडकीस येताच शहरात एकच खळबळ उडाली.
संजीव सोनवणे यांनी आपल्या व्यवसायाची सुरुवात बीड जिल्ह्यातील परळी येथून कोचिंग क्लासेसच्या माध्यमातून केली होती. त्यानंतर काही वर्षांपूर्वी त्यांनी लातूरमध्ये स्थलांतर केले होते.
घटनेची माहिती मिळताच पोलिसांनी तातडीने घटनास्थळी पोहोचून पाहणी केली. पोलिसांनी घटनास्थळाचा पंचनामा केला असून या प्रकरणाचा पुढील तपास सुरू आहे.
संजीव सोनवणे यांनी एवढे टोकाचे पाऊल नेमक्या कोणत्या कारणामुळे उचलले, याबाबत अद्याप कोणतीही अधिकृत माहिती समोर आलेली नाही. पोलिसांकडून घटनेशी संबंधित विविध बाबींचा तपास केला जात असून, तपास पूर्ण झाल्यानंतर त्यांच्या मृत्यूमागील कारण स्पष्ट होण्याची शक्यता आहे.
No Comment! Be the first one.