थकीत ऊस बिलासाठी संत एकनाथ साखर कारखान्याच्या प्रवेशद्वारावर घातले दगड

आमरण उपोषणकर्ते शेतकऱ्यांमध्ये संताप

लोकार्थ प्रतिनिधी चंद्रकांत अंबिलवादे

पैठण तालुक्यातील संत एकनाथ सहकारी साखर कारखाना चालविणारे सचिन घायळ शुगर लिमिटेड प्रायव्हेट कंपनीने ऊस उत्पादकाची मागील हंगामातील उसाचे बिल न दिल्यामुळे ऊस उत्पादकानी स्वाभिमानी शेतकरी संघटनेच्या माध्यमातून संत एकनाथ कारखान्यासमोर गुरुवार पासून आमरण उपोषण सुरू केले.
ऊस उत्पादक शेतकऱ्यांनी केलेल्या उपोषणाकडे प्रशासनाने पाठ फिरवल्याच्या निषेधार्थ आज शुक्रवारी रोजी सकाळी उपोषणासाठी बसलेल्या शेतकऱ्यांनी संताप व्यक्त करून संत एकनाथ साखर कारखान्याच्या प्रवेशद्वारावर दगड घालून कुलूप तोडली कारखान्याचे कामकाज बंद पाडून निषेध व्यक्त केल्याचा प्रकार समोर आला आहे. यासंदर्भात बंदोबस्त साठी उपस्थित असलेले एमआयडीसी पोलीस ठाण्याचे सपोनि भरत मोरे, पोलीस उपनिरीक्षक दशरथ बुरुकुल, गोपने शाखेचे कृष्णा उगले यांनी शेतकऱ्याची समजूत घालून कायदा हातात घेऊनही असे आवाहन केले. आज ऊस उत्पादकाच्या उपोषणाचा दुसरा दिवस आहे.