आदित्य ठाकरे यांचा कन्नडमध्ये दुष्काळी दौरा शेतकऱ्यांच्या बांधावर जाऊन जाणून घेतल्या व्यथा.

शेतकऱ्याच्या बांधावर, शेतकऱ्याच्या हक्कासाठी! या घोषणेसह शिवसेना (उद्धव बाळासाहेब ठाकरे) नेते, युवासेना प्रमुख मा.आदित्यजी ठाकरे साहेब यांचा दुष्काळी दौरा आज कन्नड तालुक्यात झाला.

लोकार्थ प्रतिनिधी कार्तिक राजगुरू

युवासेनाप्रमुख आमदार आदित्य ठाकरे यांनी
कन्नड-वैजापूर रोडवरील औराळा शिवारात असलेल्या शेतकरी आण्णा यादव पगारे यांच्या गट नंबर २५ मधील शेतात प्रत्यक्ष बांधावर जाऊन दुष्काळग्रस्त शेतीची पाहणी केली.
यावेळी त्यांनी दुष्काळामुळे होरपळलेल्या शेतकरी बांधवांशी थेट संवाद साधला.
यावेळी शेतकऱ्यांनी आपल्या व्यथांचा पाढाच वाचला शासनाने जाहीर केलेले दुष्काळी अनुदान अत्यंत तुटपुंजे असून ते कवडीमोल आहे. पीकविमा, कर्जमाफी यांसारख्या शासनाच्या विविध योजनांच्या माध्यमातून शेतकऱ्यांची मोठी पिळवणूक होत आहे. कागदपत्रांची पूर्तता करूनही लाभ मिळत नाही.सततच्या दुष्काळामुळे कापूस, मका, सोयाबीनसह सर्वच पिकांचे मोठे नुकसान झाले असून शेतकरी कर्जबाजारी झाला आहे.जनावरांच्या चाऱ्याचा आणि पिण्याच्या पाण्याचा गंभीर प्रश्न निर्माण झाला आहे.शेतकऱ्यांच्या या सर्व व्यथा सरकार दरबारी मांडून त्यांना न्याय मिळवून देण्यासाठी शिवसेना खंबीरपणे पाठीशी उभी राहील, असा शब्द यावेळी आदित्य ठाकरे यांनी दिला. दुष्काळाच्या मुद्द्यावरून त्यांनी शासनाच्या नाकर्तेपणावर जोरदार टीका केली.या दौऱ्याप्रसंगी कन्नड तालुक्यातील शेतकरी व शिवसैनिकांनी मोठ्या संख्येने उपस्थिती लावली होती.
याप्रसंगी माजी खासदार चंद्रकांत खैरे, आमदार तथा जिल्हाप्रमुख अंबादास दानवे, ज्येष्ठ नेते सुभाष पाटील,माजी आमदार उदयसिंह राजपूत,तालुकाप्रमुख संजय मोटे, युवासेना उपसचिव धर्मराज दानवे, जिल्हा परिषद सदस्य कल्याण चव्हाण, शेतकरीसेना जिल्हाप्रमुख बाबासाहेब मोहिते युवासेना जिल्हाप्रमुख उमेश मोकासे, विठ्ठल डमाळे, युवासेना तालुकाप्रमुख योगेश पवार, विभागप्रमुख सतीश जिवरग, शरद शिरसाठ, उपविभाग प्रमुख कमलाकर चौधरी, माजी सभापती गणेश शिंदे, रामेश्वर बोरसे, गणेश भिंगारे, बळीराम बोरसे, उपविभाग प्रमुख बाबासाहेब शिंदे, विलास कुंटे, शेतकरी गोविंदा लासणकर,युवासेनेचे भारत मिसाळ, जितेंद्र अंगुणे, पवन जीवरख, उपतालुकाप्रमुख नवनाथ राठोड, अर्जुन पवार, बाबासाहेब नलावडे, आण्णा पगार, योगेश गवळी, रामराजे देशमुख, विकास राजपूत, यशवंत खुडे, भागीनाथ पोळ, बाळासाहेब ठोंबरे, भागीनाथ पवार, संतोष बोर्डे यांच्यासह शिवसैनिक, शेतकरी व पदाधिकारी मोठ्या संख्येने उपस्थित होते.