किरकोळ कट मारण्यावरून तरुणावर कोयत्याने हल्ला; तीन आरोपी अटकेत, सीसीटीव्हीच्या मदतीने तपासाला दिशा…

आरोपीची त्याच भागात पोलिसाकडून धिंड

लोकार्थ प्रतिनिधी जयपाल ठाकूर लातूर

लातूर शहरातील ठाकरे चौक परिसरात ऑटोने स्कूटर ला किरकोळ कट मारण्याच्या कारणावरून झालेल्या वादातून एका तरुणावर कोयत्याने हल्ला करण्यात आला. या प्रकरणाचा तपास करत शिवाजीनगर पोलिसांनी सीसीटीव्ही फुटेजच्या आधारे तीन आरोपींना अटक केली आहे.

याप्रकरणी शिवाजीनगर पोलीस ठाण्यात गुन्हा रजिस्टर क्रमांक ४६२/२०२६ अन्वये गुन्हा दाखल करण्यात आला आहे.

घटनेनंतर पोलिसांनी ठाकरे चौक परिसरातील सीसीटीव्ही फुटेज तपासले. फुटेजच्या तांत्रिक विश्लेषणातून संशयितांच्या हालचालींचा मागोवा घेण्यात आला. त्यानंतर पोलिसांनी तपासाची दिशा निश्चित करून तीन आरोपींना ताब्यात घेतले.

यातील एका आरोपीचे पुणे येथे वास्तव्य असल्याचे तपासात समोर आले. घटनेनंतर तो पुण्याहून लातूर येथे आल्याची माहिती पोलिसांनी दिली.

सीसीटीव्ही फुटेज ठरले महत्त्वाचे

ठाकरे चौक परिसरातील ओंकार गणेश मंडळाने सुरक्षेच्या दृष्टीने बसविलेल्या सीसीटीव्ही कॅमेऱ्यांमुळे पोलिसांना तपासात महत्त्वाचा धागा मिळाला. उपलब्ध फुटेजचे परीक्षण करून आरोपींच्या हालचालींचा मागोवा घेण्यात आला.

ही कारवाई पोलीस अधीक्षक अमोल तांबे, अपर पोलीस अधीक्षक मंगेश चव्हाण, उपविभागीय पोलीस अधिकारी, लातूर शहर समीरसिंह साळवे तसेच पोलीस निरीक्षक संतोष पाटील यांच्या मार्गदर्शनाखाली करण्यात आली.

कारवाईमध्ये पोलीस उपनिरीक्षक नागरगोजे, पोलीस अंमलदार संजय फुलारी, किशोर माने, परमेश्वर अंकुलगे, नारायण शिंदे, प्रशांत ओगले, राहुल सोनकांबळे तसेच एमआयडीसी पोलीस ठाण्याचे राजाभाऊ मस्के व डिगोळे यांनी सहभाग घेतला.

आरोपीची त्याच भागात नेवून पोलिसांनी काढली धिंड…
आरोपीचा तात्काळ शोध घेत त्यांना अटक केली आणि त्यांना स्थळ पाहणी करण्यासाठी त्याच ठिकाणी नेत त्यांची धिंड पोलिसांनी काढून कायद्यापेक्षा कोणीही मोठे नाही आणि आरोपीना पोलीस सोडत नाहीत हेच दाखवून देत गुन्हेगारांची दहशत कमी करण्याचा प्रयत्न पोलिसांनी केला.
सदर गुन्ह्याचा पुढील तपास शिवाजीनगर पोलीस ठाण्याचे सपोनि. तिडके करीत आहेत.