डॉ.संप्रीया राहुल पाटील यांना राष्ट्रीय उत्कृष्टता पुरस्कार

लोकार्थ प्रतिनिधी प्रवीण देशपांडे परभणी

सामाजिक, शैक्षणिक तसेच महिला सक्षमीकरणाच्या क्षेत्रात उल्लेखनीय कार्य केल्याबद्दल डॉ.संप्रीया राहुल पाटील यांना ‘नॅशनल एक्सलन्स अ‍ॅवार्ड २०२६’ या राष्ट्रीय पुरस्काराने राज्यपाल जीष्णू देव वर्मा यांच्या हस्ते नुकतेच सन्मानित करण्यात आले.
वर्मा फाऊंडेशन आणि मैत्री पीस फाऊंडेशन यांच्या वतीने आयोजित विशेष पुरस्कार सोहळा मुंबई येथील यशवंतराव चव्हाण सेंटर येथे पार पडला. यावेळी डॉ. संप्रीया पाटील यांचा त्यांनी केलेल्या सामाजिक कार्याची दखल घेत सन्मान करण्यात आला. शिक्षण क्षेत्रातील योगदानासोबतच महिला सक्षमीकरण, सामाजिक बांधिलकी आणि समाजाच्या सर्वांगीण विकासासाठी त्या सातत्याने कार्यरत आहेत. विशेष म्हणजे महिला पतसंस्था, बचत गटाच्या माध्यमातून त्यांनी महिलांना आत्मनिर्भर करण्यासाठी सातत्याने पुढाकार घेतला आहे. यासोबतच यशस्विनी महिला मंचच्या माध्यमातून बचत गटांनी निर्माण केलेल्या घरगूती उत्पादनांना बाजारपेठ मिळवून देण्यासाठी प्रयत्न केले आहेत. त्यांच्या कार्याची राष्ट्रीय स्तरावर दखल घेत त्यांना मिळालेला हा पुरस्कार त्यांच्या सामाजिक कायार्चा गौरव मानला जात आहे.