संभाजीनगरच्या ‘बजरंग’ कंपनीतला सोयाबीन, पाम तेलाचा साठा सील!

लोकार्थ प्रतिनिधी विजय देऊळगावकर

छत्रपती संभाजीनगर : जुना मोंढा परिसरातील जाफर गेट येथील बजरंग ट्रेडिंग कंपनीच्या ऑईल रिपॅकिंग युनिटवर अन्न व औषध प्रशासनाने १२ ऑक्टोबर रोजी छापा टाकून २३ लाख ३५ हजार ६५४ रुपयांचे खाद्यतेल जप्त केले. या कारवाईत १२ हजार ३८२ किलो सोयाबीन व पामोलीन तेलाचा साठा जप्त करण्यात आला असून, कंपनीचा अन्न परवाना तात्काळ प्रभावाने निलंबित करण्यात आला आहे.

तपासणीत अस्वच्छता, तेलाची गळती, कीटक व उंदरांना प्रतिबंध करण्यासाठी आवश्यक उपाययोजनांचा अभाव, कामगारांच्या सुरक्षेकडे दुर्लक्ष तसेच तेल खरेदीच्या नोंदी नसल्याचे आढळले. स्वच्छता व अन्नसुरक्षा निकषांच्या तपासणीत कंपनीला २०६ पैकी केवळ १० गुण मिळाले. अन्न सुरक्षा अधिकारी कीर्तिका झाडे यांनी ही कारवाई केली. जप्त केलेला साठा पुढील आदेशापर्यंत सील करण्यात आला आहे.